للمرة الثانية خلال أقل من عشرة أيام نقول ... لا إعتراض على حكم القضاء ... والقدر ، محكمة جنح الخيفة تصدر حكماٌ بالسجن لمدة عامين وكفالة عشرة آلاف جنية لإيقاف التنفيذ لحين الفصل في الإستئناف ضد أستاذ علم الاجتماع ومدير مركز ابن خلدون للدراسات الإنمائية سعد الدين إبراهيم وذلك على خلفية دعوى رفعها ضده أحد الأشخاص اعتراضاٌ على تصريحات له عن مصر في مؤتمر بالعاصمة القطرية الدوحة حيث اقترح علانية في المؤتمر أن تربط إدارة بوش معونتها لمصر بالإصلاح السياسي والتحسن في ممارسات حقوق الإنسان ، في الحقيقة لا أوافق على كل ما يقوله سعد الدين إبراهيم ولكن أن يتم الحكم عليه لمجرد هذا القول _ إن صح ذلك _ فإن ذلك يضاف لما في المحروسة من المضحكات المبكيات ..... وأنا من منبري هذا أبشر المأسوف على شبابه المارق الجاحد الصعلوك إبراهيم عيسى بالحكم عليه بالإعدام رمياٌ بالرصاص .... ولا أراكم الله مكروهاٌ في عزيز لديكم . بروابط
Technorati Tags: Egypt,Saad El-Din Ibrahim,Egyptians,Citizen Journalism,Prison,Democracy,Human rights,middle East,laws,freedom
Subscribe to post feed
طب و انت عايزهم يسيبوا واحد شوه سمعة مصر؟
طب و هي بلد الواحد ايه غير سمعة بذمتك؟
و لما تروح سمعة مصر بسبب كلام واحد قاله، نعيش احنا مرتاحين في الرفاهية اللذيذة اللي بلدنا موفراهالنا ازاي
انت ما بتشوفش اعلانات بورتو سخنة ولا ايه؟
واحد زي دا، لازم يتعدم
و اوعى اسمعك بصوت واطي في دماغك بتقول مهم حكموا على دا و سابوا اللي بالي بالك اللي غرق العدد اللي بالي بالك
تؤتؤ، مافيش مقارنة اطلاقا ما بين واحد شوه سمعة مصر المحروسة و مابين واحد قتل آلاف،
الآلاف دول في زيهم آلاف الآلاف.. بس مصر.. مالهاش إلا سمعتها
و هي سمعة واحدة مش آلاف..
لا، بجد لا
دا كلنا فداء لسمعة مصر
يوه، ما قلنا دي سمعة مصر
و احنا قلناها كلمة قبل كدا
يعيش الرئيس و الوطن و يتحرق الشعب، مش بجاز ولا ببنزين عشان الاتنين بقوا غاليين
تحياتي