في الحقيقة منذ مدة لم يصبح شيء يدهشني في المحروسه ولكن لكل قاعدة استثناء وخبر اليوم لم يدهشني فقط بل سبب لي حالة أشبه ما تكون بالصدمه ، ممدوح إسماعيل صاحب عبارة الموت حكمت محكمة جنح سفاجا ببرائته هو وجميع المتهمين في القضية عدا ربان العبارة سانت كاترين حيث قضت بحبسه ستة أشهر وكفالة 10 آلاف جنيه . .... لن أناقش الحكم فنحن لم نطلع على أسبابه بعد ولكن السؤال المهم هو إذا كان ممدوح إسماعيل غير متسبب بتأخره في الإبلاغ عن غرق العبارة في إلتهام أسماك البحر الأحمر ل 1033 مواطن مصري ... فمن هو المسئول الذي تجب محاكمته عوضاٌ عنه ..؟ اللهم لا اعتراض ... وفعلاٌ ... هَذِي بـِلادٌ .. لمْ تـَعُـــدْ كـَبـِلادِي
Technorati Tags: Egypt,El-Salam Ferry,El-Salam 98,Mamdouh Ismail,Egyptians,Citizne Journalism,Laws,Courts,Judges,News,Photos,Red Sea,Safga,Egyptian Life
Subscribe to post feed
السمك طبعا
و البحر الأحمر شريك رسمي في الجريمة
....
بذمتك انت كنت مستني حكم عادل؟
طب ازاي؟
ليه دا انت عارف ان انت اكيد في مصر
مش هاتكلم على نزاهة القضاء و الكلام اللي بيحفظوهولنا في التلفزيون دا بردو..
القضاء المصري نزيه و زي الفل
و من نزاهته انه ما رضيش يحرق دمنا و يذكر لنا اسباب الحكم
و الراجل دا نزيه و زي الفل
و بريء من دم المصريين براءة الذئب من دم ابن يعقوب.
...
ست اشهر حبس و عشر آلاف جنيه غرامة.. لألف تلاتة و تلاتين روح بني ادم
يا بلاش
و عمالين تقولوا الأسعار ولعت
مهو، اقتل مصري و احصل على تلاتة اخواته مجانا..
و بعدين دا مش اي مصري، دا مصري راجع من حج او عمرة، يعني نضيف و زي الفل
و دعوته مستجابة
و اكيد الناس دي و هي بتغرق قالت..
حسبي الله و نعم الوكيل
مهو لو الريس راجل، ولا الحكومة فيها راجل
كان خلى عنده دم و غار بقى
والله كفاية
صباح الثورة!!
معلش تعقيب تاني..
لما الف و تلاتة و تلاتين روح..
اللي قتلهم يروح محكمة الجنح؟
اومال الجنايات محتاجة مجموع قد ايه؟
تفتكر ده ايه غير ان البلد بقت مش بتاعتنا لو لها مسمى تانى قولى
انت فارس يامحمد برتبه حنرال
اللوجو اعجبنى ووضعته بجميع مدوناتى بعد اذنك
بس عاوزينه بالعربى
طبعا القضاء نحن لانعترض عليه لانه حكم بما قدم له من حقائق ومستندات
ياريت عزيزى محمد لوجو بالعربى كمان
مبروك لقد تمت الموافقة علي اضافة مدونتكم الي موقع دليل المواقع والمدونات العربية من فور يو لودز http://dalil.4uloads.com ونبهكم الي ضرورة اضافة رابط للدليل بمدونتكم الكريمة حتي يستمر وضع الرابط بالدليل
وتقبلو تحيات اخوانكم من ادارة الدليل
http://dalil.4uloads.com